عمل الحواوشى أكله مصرية أصيلة، كثيرون هم من يحبوه وقليلون من يتقن عمله مثل المطاعم، الأن لم يعد الأمر مستحيلاً حيث يقدم موقع ” مطبخ بيت العيلة ” لكل سيدة طريقة عمل الحواوشى بأنواعه البلدى والاسكندرانى وعمله فى المنزل وبأسهل الطرق.
طريقة الحواوشي طعامٌ لذيذ وشهيّ، ويفضّله الكثير من النّاس كلٌّ حسب ذوقه ان شاء الله تعجبكم طريقة عمل الحواوشى.
أنواع الحواوشى
1_ الحواوشى الاسكندرانى
طريقة عمل الحواوشى الاسكندرانى
المقاديركيلو لحمة مفرومة
4 بصل مبشورة
2 طماطمية مبشور
2 فلفل اخضر مقطع مكعبات صغيرة
ملح + بهارات لحمه + شطة + قرفه + جنزبيل + جوزة الطيب
عجينة الحواوشى
2 ونص كوب دقيق منخول
رشة ملح
3 معلقة زيت
2 معلقة لبن بودر
معلقة كبيرة خميرة مدوبة فى ماء دافئ
ومعلقة صغيرة سكر
ماء دافئ للعجن حسب ما العجينة تلم معاكى
طريقة تحضير الحواوشى الاسكندرانى
نحضر بوله عميقه ونضع بها الدقيق وذرة الملح والزيت واللبن البودرة وننزل عليها بالخميرة المتدوبه ونبدا نعجن العجينة بنحط المياه الدافى لحد ماتلم العجينة معاكى وتبقى ناعمة ونسيبها متغطية فى مكان دافى تخمر لمدة ساعه.
بعد كدة نبدا نجهز الحشو بتاع الحوواشى نحط كل المكونات مع بعض يتاعة الحوواشى و نقلبها كويس مع بعض نفرد العجينة ونقطعها دواير قد رغيف العيش بالظبط حشيت العجينة ووضعت قطعة اخرى عليها وبدات اقفلها جيدا (انا خرمت العجينة بالشوكة ) وندخلة العجينة على فرن 200 درجة (وسط) عشان اللحمة تستوى من جوه ولما العجينة تبقى نص سوا نحط حبة البركة عليها وندهنها بالبيض (بيضة ضربتها مع رشة ملح وفلفل اسمر ) وندخلها الفرن تانى تكمل سوا وبالف هنا.
2_ الحواوشى البلدى
طريقة عمل الحواوشى البلدى
المقادير
نصف كيلو لحم مفروم
بصلتين كبار
حبتين طماطم
فلفل اخضر رومى وفلفل الوان
معلقتين صلصه
معلقه كبيره كاتشاب
توابل ( ملح وفلفل اسود وقرفه وكمون وكسبره وجنزبيل وزعتر )
طريقة تحضير الحواوشى البلدى
توضع كل المكونات ما عدا اللحمه فى الكبه وتفرم خشن ثم توضع عليها الصلصه والكاتشاب والتوابل نضيف اللحمه وتقلب جيدا لتتجانس.
طبعا نكون مجهزين العيش ونفتحه نحط بالمعلقه كميه مناسبه من الخلطه جوه العيش بسويه ممكن بطريقتين :
الاولى انى اجيب طاسه واحط فيها معلقة سمنه بلدى وشوية زيت وعلى النار من فوق اسوى الحواوشى بس اغطيه واخلى النار متوسطه واقلب الارغفه عشان تتحمر من الجهتين وتاخد لون حلو وتقرمش شويه واللحمه تستوى كويس.
والطريقه التانيه انى احطهم فى صينيه فى الفرن بردو فيها سمنه وزيت واقلبهم على الجهتين حتى يتحمروا وبالف هنا ليكم.
كدة اتعرفنا على أنواع الحواوشى الاسكندرانى والبلدى وعرفنا طريقة عمايلهم فى المنزل بسهولة من غير ما نحتاج الى محلات الحواوشى يارب تكون الطريقة عجبتكم وانتظرونى فى وصفات تانية.
الرئيسية 
الإثنين 7 مارس - 1:50
أﻧَــــاٌ
آلَمـَشٌآرَﻛَــــــآتْ
اّلّـــــدّوّلّـــــــــةّ : .gif){kind=icon}
اٍّلَّــــوّظُيٌّفّْــــــةْ
آلِّمِّـــزٍّآجِّ
آلْعْــــــــمْــــــرْ
نْقْآطْ آلْتْقْيْيْــــمْ
تاريخ التسجيل
نقاطي
موضوع: طريقة عمل الحواوشى , الحواوشى الاسكندرانى ,الحواوشى البلدى 2015 
