قصة (لمـــــــــار حيـــــــاتي أنا)

[size=32]الحلقة الأولى

[/size]

[size=32](( لمار قاعدة ع مكتبها وماسكة القلم والورقة ))



أحبك ..

يا مَن سرق قلبي مني

يا مَن غير لي حياتي

يا مَن أحببته من كل قلبي

يا مَن قادني إلى الخيال

حبيبي

أهديتك قلبي وروحي

وبين ظلوعي اسكنتك

ورسمت معك أحلامي

ووعــــــودي


 


[size=32](( دخلت تسنيم ع لمار لقيتها سرحانة وبتكتب في ورقة ))[/size]




تسنيم (بصوت عالي) : قفشـــــــتك يا بنت عمو أحمد 

لمار (بخضة) : هه حرام عليكي يا تسنيم أنتِ هبلة يا بت ولا بتستعبطي ده أنا ممكن كنت أروح فيها دلوقتي

تسنيم : هههههههههه ليه بس يا قطتي بعد الشر عليكي

لمار : مكنش هيبقي شر لو مت دلوقتي ياختي .. أنتِ إيه اللي جابك صحيح

تسنيم : أنتِ مالك أنتِ (وبتطلعلها لسانها) .. ده بيت خالي وجاية أشوفوه في مانع 

لمار : آه خالك ماشي ياختي يلا هوينا بقى

تسنيم : لا مش هطلع وريني أنتِ كاتبة إيه في الورقة

لمار : وأنتِ تشوفي ليه يا ماما اللي أنا كتباه اطلعي بره يا بت

تسنيم : وريني بدل ما أعلي صوتي وأعملك فضيحة تسمع الشارع كله 

لمار : أنتِ بتخوفيني ولا إيه روحي يا حلوة يلا من هنا هش هش يلا خالك بينادي عليكي

تسنيم : هعمل نفسي مش سامعة حاجة



[size=32](( راحت أخدت تسنيم الورقة وجريت بيها في الأوضة ))[/size]

[/size]

اقتباس :

لمار (اتعصبت) : تسنــــــــــــيم اديني الورقة يلا
تسنيم : هههههه توء توء لو قعدت وحكتيلي عملتي إيه مع الواد عمر هديلك الورقة

[size]
لمار (بكسوف) : يوووه يا سيمو بقى 
تسنيم : هههههههه حلوة الطمطماية دي يلا اقعدي واحكي
لمار : طيب طيب 
تسنيم : هاااااا

لمار : مفيش يا ستي معملش حاجة أنتِ عارفة أني متضايقة منه جداً مش بيسأل عليا مع أني كل يوم بكلمه بالعشر مرات وأكتر وهو مش بيعبرني ولو حتي بميسد كول

تسنيم : بصي يا لمار أنا قلتلك بلاش عمر شكله طايش ومش بيعرف يتحمل مسئولية

لمار : يعني أعمل إيه يا تسنيم حبيته أوووي أعمل إيه طيب قوليلي أنتِ

تسنيم : متعمليش أنتِ حرة أنا قلتلك وحذرتك منه 

لمار : أنتِ عارفة لو يقولي بس أنه عايز يطلب ايدي هرتاح ساعتها بجد وهحس أنه واخد الموضوع جد

تسنيم : نعم ؟؟؟ أومال هو مقالكيش ولا إيه 

لمار : ها 

تسنيم : هو إيه اللي ها يا لمار مقالش ولا إيه

لمار (بحزن) : لا مقالش يا تسنيم

تسنيم : طب إزاي أنتِ من فترة قولتيلي أنه عايز يطلب ايديكي 

لمار : مكنش ينفع أقولك أنه مطلبش ايدي يا تسنيم .. أنا بحبه وبتكسف جداااااً اسأله أو حتى أقوله كلمة تضايقه

تسنيم : والله ما عارفة أقولك إيه بس بجد أنتِ زعلتيني منك ... أنا هقوم أشوف حاجة أكلها

تسنيم : طيب روحي وأنا جاية وراكي 

تسنيم : ماشي



[size=32](( خرجت تسنيم من الأوضة ومسكت لمار الموبيل واتصلت بعمر ))[/size]






[size=32]
نروح عند عمر[/size]



خالد (صاحب عمر) : ههههههههه يا عم ده واد فكسان خالص سيبك منه

عمر : هههههههه لا عندك حق أول مرة ياض تقول كلمة حلوة

خالد : ههههههههه تلميذك



[size=32]وموبيل عمر يرن[/size]



خالد : رد يالا ع الموبيل

عمر (بص في الموبيل) : يا ساتر بقى

خالد : إيه ياض في إيه

عمر : دي لمار

خالد (تنح) : لمار !!!

عمر : آه ياض مالك تنحت ليه

خالد : لا مفيش حاجة طب ما ترد عليها




[size=32](( أصل خالد بيحبها بس هو عارف أنها بتحب عمر فا ساكت)[/size]




عمر : مليش مزاج 

خالد : يا بني عيب رد عليها هتسيبها ترن كده

عمر : خاليها براحتها .. وبعدين خلاص هي قفلت

خالد : طب ما تكلمها

عمر : أنا مش بكلم حد اللي عايزني يكلمني

خالد : طب ما هي كلمتك وأنت مردتش

عمر : خالد خلاص بقى فكك يا عم دي بت لازقة أساساً 

خالد : طيب يلا نمشي من هنا






خرجت لمار وقعدت مع باباها وتسنيم وعدي اليوم وهي تتصل بعمر وهو ميردش لحد لما اتخنقت ودخلت نامت



جه تاني يوم وراحت لمار الكلية ووشها أحمر وعينيها وارمة وكانت لابسة نضارة شمس عشان محدش ياخود باله



أول لما دخلت لمحت عمر راحت رحيتلوه




لمار (بتنده عليه) : عمر عمر عمر



عمر لف وراه لقاه لمار وبعدين رحلها



عمر : صباح الخير يا أجمل وردة في بستان حديقتنا

لمار : يا سلام وردة إيه وبستان إيه بس (وبتدلع) .. أنت مكنتش بترد عليا ليه امبارح

عمر : أنا آسف يا عمري بس كان أبويا مقعدني جمبه بنعمل شوية شغل

لمار (بفرح) : إيه ده أنت هتشتغل مع باباك وأنت بتدرس 

عمر : لا طبعاً إيه الهبل ده أنا بس لقيت نفسي فاضي قلت أعمله أي حاجة وخلاص عشان هو كان بيزن ع وداني

لمار (بحزن) : طيب ماشي

عمر : إيه كان في حاجة امبارح كنتِ عيزاني في إيه

لمار : مكنتش عيزاك في حاجة بس كنت واحشني فا حبيت أكلمك بس يعني (بكسوف)

عمر : ربنا يخاليكي ليا

لمار : صحيح ماما عاملة إيه انهاردة

عمر : كويسة بتسألي ليه

لمار : مش أنت قولتيلي أول امبارح أنها تعبانة وفي المستشفي

عمر : إيه .. ها آه آه في المستشفي كويسة الحمد لله

لمار : طب الحمد لله .. أنا كنت عايزة أروحلها بس مش عارفة أنت مش عاوزني أروح ليه

عمر : مش عايزك تتعبي يا حبيبتي

لمار : وهتعب ليه دي زي مامتي يعني وأنا بحبها وعادي لما أزورها

عمر : خلاص بقى يا ليمي مش وقته بقى

لمار : طيب خلاص أنا هطلع المحاضرة عايز حاجة

عمر : لا سلامتك

لمار : طيب استناني بعد المحاضرة عشان عيزاك

عمر : من عنيا الاتنين



[size=32]لمار وهي ماشية خبطت في خالد

[/size]

لمار (بأرتباك) : آسفة آسفة مكنش قصدي

خالد : لمار .. ولا يهمك يا قمر .. عاملة إيه

لمار : الحمد لله أنت عامل إيه

خالد : بخير طول ما أنا شايفك بخير

لمار : شكراً عن اذنك

خالد : اتفضلي



[size=32]خالد وقف مكانه وقعد يفكر[/size]



خالد (( لو تعرفي قد إيه بحبك وقد إيه بتمنالك السعادة مكنتيش دلوقتي تحبي عمر مش عارف بتحبيه ع إيه ده حتى طايش ومش بيحبك ولا بيخاف عليكي وبيمثل عليكي بس بجد مش عارفة أقولك إزاي مع أني عارف أنك عمرك ما هتصدقيني وعمرك ما هتفكري أني بحبك أنا فعلاً بحبك وخايف عليكي ونفسي تحسي بيا وتحسي باللي جوايا .. ع العموم ربنا يهديكي ويسعدك مع عمر ))







[size=32]نروح لنوران وأحمد في الشركة[/size]




أحمد : إحنا لازم نروح بكره الشهر العقاري عشان نسجل الحاجات دي

نوران : طب هو لازم أروح معاك يعني ما تروح أنت

أحمد : مش هينفع يا نوران أنتِ ناسية أنك شريكة معايا في الشركة

نوران : أنا قلتلك يا أحمد خلي الشركة كلها باسمك وأنت مش راضي

أحمد : إزاي يعني يا نوران أنتِ مش أختي ودي مش شركة أبونا وأنا لازم أنفذ وصية بابا ومينفعش أشيلك من الشراكة

نوران : بس أنا مش حمل ده كله وأنت عارف أني مهتمية بالبيت والعيال وجوزي

أحمد : خلاص بقى يا نوران أنا حابب إن أختي حبيبتي تبقى معايا في الشركة الله بقى

نوران : خلاص ماشي يا أحمد .. أخبار لمار إيه

أحمد : الحمد لله لسه مكلامني من شوية هي وتسنيم

نوران : آه ما هي تسنيم قالتلي أنها هتروحلها انهاردة كمان

أحمد : ربنا معاهم .. أنا حاسس إن لمار متغيرة أوي اليومين دول

نوران : مش عارفة والله يا أحمد أنا مش حاسة بحاجة بس تلاقيك خايف عشان هي دخلت الكلية بس

أحمد : أنتِ عارفة يا نوران أنا قد إيه بحبها ولازم أخاف عليها بتجنني هي والله بتصرفتها

نوران : معلش يا أحمد

أحمد : بصي أنا عايز أقولك ع خبر بس متقوليش لتسنيم عشان متقولش للمار

نوران : خير

أحمد : أنا ..............




[size=32]يا ترى إيه الخبر اللي أحمد هيقوله لنوران عايزين تعرفوا استنوني في حلقة جديدة مع[/size]




[size=32](( لمـــــــــار حيـــــــاتي أنا ))[/size]

[size=32]يتبـــــــــــــــــــــــع[/size]


[/size]

[size=32]الحلقة التانية

[/size]

استنوني فى الحلقة الجاية 




[size=32](لمـــــــــار حيـــــــاتي انا)
[/size]

[size=32]الحلقة الرابعة


[/size]

[size=32]الحلقة الخامسة


خالد ولمار راحوا ع الكلية وكل واحد فيهم راح يشوف الى مستنية 


نروح للمار 



لمار (بصوت عالي فى ودن تسنيم) : انا جيت 

تسنيم : ها يا دزمة .. انتى هتفضلي كده علطول 

لمار : هههههههههه احسن 

تسنيم : والله لوريكي يا لمار ماااااااااشي 

لمار : ههههههههههه خلاص بقي يا تيتو 

تسنيم : دلوقتي بقيت تيتو 

لمار : دلوقتي وبكرة وامبارح 

تسنيم : ما شاء الله انتى بتتحولي ولا ايه يابت 

لمار : ليه بتقولي كده 

تسنيم : امبارح لما كلمتك كننتي متضايقة ومخنوقة 

لمار : يا ستي هو فى انسان بيفضل ع حاله 

تسنيم : اه لا عاندك حق طب قوليلي الي حصلك ده حصلك ازاي

لمار : خلاص بقي يا تيتو يلا نركب العربية وانا اقولك 

تسنيم : طيب يا ليمو اتفضلي لما نشوف اخرتها معاكي

لمار : اخرتها فستان ابيض وطرحة 



وراحوا ركبوا العربية هما الاتنين 


تسنيم : ها يا ستي ادينا فى العربية قولي بقي ايه الى هيحصل

لمار : خالد هيروح لعمر ويقنعه انه يجي يتقدملي

تسنيم : لا والله وده من ايه 

لمار : خالد طيب اوي يا تيتو والله ومحترم وهو عرض عليا انه يروح ويكلمه ويقنعه وانا وافقة 

تسنيم (بحزن) : طيب يا لمار .. مش يلا بقي نمشي 

لمار : مالك يا تيتو اضيقتي ليه 

تسنيم : مفيش يا لمار يلا بينا نمشي وبعدين ابقي اشرحلك 

لمار : طيب يلا بينا



لمار دورت العربية وروحت هى وتسنيم 






نروح لخالد لما وصل عند عبير 



خالد : عبير .. انا اسف ع التأخير 

عبير : لا عادي ولا يهمك مفيش مشكلة 

خالد : معلش والله متزعليش بجد اصل لمار كانت محتجاني اوي

عبير (بسخرية) : هه ومن امتي بقي لمار تحتاجك اساسا 

خالد : عندها مشكلة وحبيت انها تتكلم معايا 

عبير (بعصبية) : ليه مش مكافيها عمر ولا ايه جاية تتلزق فيك انت كمان 

خالد : ايه تتلزق فيا دي .. فى ايه يا عبير ما تتكلمي كويس

عبير : انا عارفة انا بقول ايه كويس اوي يا خالد بس للاسف انت الى مش عارف ولا شايف انت بتعمل ايه

خالد : تعالي نقعد ع جمب عشان نعرف نتكلم طيب

عبير (بعصبية) : لا خلاص روح شوف لمار (ومشيت)

خالد (مسكها من ايديها جامد) : اقفي هنا وانتى بتكلميني 

عبير : فى ايه يا خالد سيب ايدي لو سمحت

خالد : اتفضلي تعالي معايا وقولي كنتى عايزة تقولي ايه 

عبير (بعصبية) : قلتلك روح شوف لمار خاليها تتلزق فيك انت كمان اصل يا عيني لما مش بتلاقي عمر جمبها بتتعب نفسيا وبتيجي تقولك يا عيني 

( خالد مقدرش يتمالك اعصابه وراح ضربها بالقلم)


عبير : اااااااااه .. (بعياط) انت ازاي تضربني كده 

خالد : انا اسف اسف اوي بس معرفش ازاي

عبير (بعياط) : اسف ع ايه بعد ايه اسف ..(وبتعيط)

خالد (مسك ايديها) : تعالي معاايا نقعد فى مكان لوحدنا عشان منفرجش علينا الناس



واضطرت عبير تروح مع خالد مكان يقعدوا فيه لان الناس بصوا عليهم

وقعدوا هما الاتنين ع طربيزة فى كافيتريا الجامعة



خالد : انا اسف يا عبير انا معرفش انا عملت كده ازاي انا اسف بجد متزعليش مني 

عبير (بعياط) : انا مقولتش حاجة غلط عشان تتضربني فعلا لمار بتعمل كده 

خالد : انتى ظالمة لمار اووووي .. لمار طيبة وحنــ

عبير : مش محتاج تقولي مميزتها طول ما انت شايفها كده عمرك ما هتشوف عيوبها 

خالد : واشوف عيوبها ليه 

عبير : عشان .. (وبصت الناحية التانية)

خالد : عشان ايه يا عبير ؟؟

عبير : عشان انت بتحبها يا خالد 

خالد (اتصدم وسكت)

عبير : ايوة بتحبها وبيبان عليك اوووووي وانا واخدة بالي كويس بس للاسف حب من طرف واحد زي برضوا

خالد : انتى بتحبي يا عبير ؟؟

عبير : انت بتغير الموضوع ليه .. وبعدين هيهمك في ايه تعرف اذا كنت بحب ولا لا

خالد : عادي انتى زى اختي وباسألك عادي

عبير : ههههه زي اختك ههههههههه تتصور بجد ضحكتني ياااااااااااااا بعد ده كله يا خالد 

خالد : عبير فى ايه انتى بتتكلمي كده ليه ومن امتي يعني

عبير (بدموع) : انت عمرك ما هتحس بيا طول ما انت شايف قدامك لمار وبس 

خالد : انا مش فاهم حاجة 

عبير (بدموع) : مش فاهم ايه .. مش فاهم انى بحبك مش حاسس بكده عارف ليه عشان انت بتحب لمار وبسسسس ومش شايف قدامك غيرها برغم انك عارف انها بتحب واحد تاني وبرضوا بتحبها معرفش ع ايه .. انا بجد مش عارفة اقولك ايه انت هتفضل كده طول عمرك وعمرك ما هتتغير يا خالد خالي بقي لمار تنفعك وافضل حابس حبك ليها وخاليها تمشيك ع مزاجها وتوجهك وتقولك تعمل ايه وتروح فين وانت بتسمع الكلام علطول يااااااا يا خالد انا دلوقتي بس ندمت انى فى يوم حبيتك عشان انت ماشي ورى قلبك وبس معأنك عارف ان لمار لغيرك بس برضوا بتحبها معرفش بتحبها ليه كده بس ربنا يوفقك بجد انا قايمة عن اذنك 


وراحت قامت بسرعة وجريت من غير ما تسمع كلمة واحدة منه 



خالد (سرحان ومسهم فى كلام عبير) : يااااااااااااا للدرجادي انا كنت اعمي للدرجادي مشوفتش حب عبير .. طب ازااااااااي ازاي كده مش معقولة انا مش مصدق بجد مش مصدق ازاااااي ماخدتش بالي كل ده من حبها ليا دي شكلها بتحبني بجنون بس انا للاسف حب لمار كان عاميني فعلا وهى عندها حق ...



وفضل خالد ع الحال ده مش بيروح الكلية ولا بيكلم حد وقافل موبيله وعمال يفكر فى كلام عبير وبس 





عدي كزي يوم وجه اليوم الموعوووووود 


اليوم الى هتتقابل فيه لمار مع عريسها 

وهيتقابل فيه عمر مع عروسته 


اليوم المنتظر من اقرب الناس ليهم 

واليوم المشأوم لعمر ولمار 



تعالوا نشوف ايه الى هيحصل معاهم 



صحيت لمار وهى متضايقة جدااااا وحسة ان فى حاجة كاتمة ع قلبها قامت ومسكت موبيلها واتصلت بتسنيم 



لمار : تسنيم صباح الخير

تسنيم : صباح النور يا ليمو عاملة ايه يا حبيبتي 

لمار : مخنوقة اوي يا تسنيم 

تسنيم : ليه فى ايه 

لمار (بعياط) : خالد بقاله اسبوع مكلمنيش ومقاليش عمل ايه مع عمر .. وكمان عمر قافل موبيله 

تسنيم : طيب اهدي بس براحة فى ايه ان شاء الله خير

لمار (بعياط) : ازاي بس يا تسنيم انا تعبانة اوووووي انهاردة العريس جاي هو واهله انا مش عارفة هعمل ايه 

تسنيم : اه ما انا عارفة ماما قالتلي امبارح عشان اجيلك بدري واجهزك 

لمار (بعياط) : انا تعبانة اوي ومحتجاكي يا تسنيم تعاليلي حالا 

تسنيم : حاضر يا لمار هلبس اهو وجيالك 

لمار : طيب مستنياكي سلام 

تسنيم : سلام 


وقفلت لمار مع تسنيم وهى مخنوقة وبتعيط ومش عارفة تعمل ايه تتصل بمين وجت فى دمغها عبير وقلت تكلمها 


لمار : الووو ازيك يا عبير 

عبير : الحمد لله 

لمار : عاملة ايه 

عبير : بخير 

لمار : بقولك متعرفيش حاجة عن خالد 

عبير : وانا اعرف عن خالد حاجة ليه اساسا

لمار : يعني حبيت اسألك اصل بقاله اسبوع مكالمنيش وقلقانة عليه 

عبير : بقولك ايه يا لمار ابعدي عني احسن وسبيني فى حالي انا يا ستي فيا الى مكفيني وزياده وشكرا للاهتمام حضرتك 

لمار : انا مش فاهمة حاجة 

عبير : لا والله مش فاهمة ايه .. انا عارفة ان خالد هو الى باعتك عشان يصالحني بس لما يكلمك قوليلوه انى مش قابلة اعتزارة خالص ومش عيزاه يكلمني تاني عشان مسحته خلاص من حياتي

لمار : عبير انا مش فاهمة حاجة بجد ...

عبير : مش مشكلة تفهمي .. حلي عني بقي وسبيني فى حالي وارجوكي متكلمنيش تاني سلام 


وقفلت عبير فى وش لمار ولمار مش فاهمة اى حاجة


لمار (بعياط) : انا كنت عارفة ومتأكده ان اليوم ده مش هيعدي ع خير ... ياااااااارب خاليك جمبي ياااااارب محتجالك اووووووووووي متسبنيش ياربي 





نروح لسيف


صحي عفاريت الدنيا بتططنط قدامه ومش طايق نفسه 


دخلت مامته عليه 



ليلي : صباح الفل ع احلي عريس 

سيف : عريس ايه يا ماما بس 

ليلي : ايوة يا حبيبي انهاردة هنروح للعروسة عشان نشوفها ونتعشا مع عيلتها

سيف : يا ساتر يارب .. انا لسه كل لما بحاول انسي بتفكريني يا ماما 

ريماس : حبيبي يا سوفة يا احلي عريس فى الدنيا 

سيف : حتي انتى يا ريماس .. اوعي طيب اما اخش اخودلي دش 

ريماس : ههههه حمام العافية يا حبيبي خش وانا وكريم مستنينك بره 

سيف : ايه ده وكريم هنا كمان 

ريماس : للاسف اه بابا قالنا لازم نيجي معاك عشان نشوف العروسة 

سيف : يووووه شكلي مش هخلص انهاردة منكوا .. يارب يخلص اليوم ده بقي لحسن مش طايقوه

ريماس \ ليلي : ههههههههه

ليلي : شوفتي الواد اخوكي يا ريماس بيقول ايه 

ريماس : هههههه معلش يا ماما عديها 

ليلي : ههههههههه عديتها تعالي بقي نخرج بره ونقعد نرغي عبال لما اخوكي يخلص دش

ريماس : طيب يلا 



وخرجوا بره قعدوا يتكلموا 


ريماس : كيمو افندي 



كريم : اخو ريماس وسيف كان طايش وهو صغير بس عقل لما اتجوز وجاب عيال .. مراته بتغير عليه اوووووووي 


كريم : ايه يا ريمو فى ايه

ريماس : ايه مالك كده مسهم وسرحان مالك يا حبيبي

كريم : مفيش بس قرفان من البيت .. انتى ليه مجبتيش الولاد معاكي

ريماس : سبتهم مع مصطفي فى البيت قولتله وزعقت فيه  .. انه لازم يقعد معاهم عقبال لما اروح مع سيف اومال يجي هو والعيال ويزهقوني ولا ايه 

كريم : ههههههههههه يالهوي عليكي مجنونة من يومك يا ريمو والله 

ريماس : هههههههه اومال يا كيمو احنا بنهزر ولا ايه .. قولي انت بقي مالك وايه الى ضيقك

كريم : مش عارف اقولك ايه .. بس سمر لسه مزهقاني وخنقاني

ريماس : لسه برضوا موضوع الغيرة ده 

كريم : ايوة والمشكلة انها كل يوم بتزداد عن الاول وبقيت اتخنق ومعقدش فى البيت 

ليلي : احسن عشان انت مش بتسمع كلامي .. قلتلك بلاش سمر وخود شاهندا وانت مش رضيت 

كريم : يا ماما انا مش بحب شاهندا اساسا

ليلي : اومال بتحب سمر يعني 

كريم : ايوة طبعا [/size][size=32]اومال اتجوزتها ازاي[/size]
[size=32]
ليلي : بعد الى بتقوله عليها ده وبرضوا بتحبها 

كريم : طبعا مش ام ولادي ولازم احبها مهما حصل منها 

ريماس : كريم عانده حق يا ماما دي مراته ولازم يحبها مهما حصل منها

ليلي : انتوا احرار انا قلت رأي من الاول وخلاص

سيف : انا جيييييييت

ريماس : نورت يا حبيبي .. بما اننا كلنا متجمعين انا حبة اخبركم بحاجة

ليلي \ كريم \ سيف : خير

ريماس (بفرحة) : انا حامل فى 3 شهور

ليلي (حضنتها جامد) : يا حبيبتي اللف مليون مبروك ان شاء الله تقومي بالسلامة وتجيبي بنوتة زي العسل 

ريماس : ههههههههه الله يبارك فيكي يا ماما .. ربنا يخاليكي ليا 

كريم : مبرووووووك يا ريمو يا حبيبتي

ريماس (باستوه) : الله يبارك فيك يا كيمو 

سيف (بأبتسامة) : اهي دي الحاجة الوحيدة الحلوة ع الصبح 

ريماس : ههههههههه ماشي يلا يا كيمو خود ظبط عريسنا وخاليه زي القمر احنا عايزينوه احلي من العروسة الى لسه مش شوفناها

سيف : بت يا ريماس اسكتي عشان مش اضربك 

كريم : يلا يا سيف عشان تنزل تحلق شعرك 

سيف (بعصبية) : يوووووه طيب اتفضل يلا 

ليلي : ربنا يهديك يا سيف يا ابن بطني يااااااااارب

ريماس : يارب يا ماما يسمع من بوقك ربنا 



ونزل سيف مع كريم عشان يحلقوه هما الاتنين وطلعوا لبسوا كلهم وجهزوا نفسهم ونزلوا العربية 





تسنيم ونوران راحوا بيت لمار بدري عشان يلبسوا لمار لانهم عارفيين انها مش هتلبس حاجة غير لما يجوا ويكهربوها الاول عشان تلبس 



لمار : اوووف الفستان ضيق اوي مش قادرة عايزة اقلعوه 

نوران : ههههههه لا والله مش ضيق ده عسل وواسع اهو بطلي حركات بقي

لمار : مش قادرة يا عمتو مش قادرة والله مش طايقة الفستان

تسنيم : ده كميلة خالص يا ليمو والله هياكل منك حته 

لمار : متعمليش فيا ثواب وتلبسيه وتعملي انك انتى لمار وانا هعمل اني تسنيم 

نوران \ تسنيم : هههههههههههه

نوران : ربنا يهديكوا انا هروح اشوف ابوكي لبس ولا لسه الناس ع وصول 

لمار (بحزن) : طيب 


خرجت نوران راحت تشوف احمد لبس ولا لا وتشوف السفرة والصالة مظبوطة ولا لا ما هي تعتبر ام العروسة برضوا 


تسنيم : لمار .. انتى لسه زعلانة 

لمار : مش قادرة يا تسنيم حسة انى هموت (وبتدمع) 

تسنيم : لالالالا الله يكرمك متعيطيش مش عايزين المكياج يروح احنا مصدقنا دي تالت مرة نمسحه ونحوطه

لمار : حسة انى مش عايشة يا تسنيم والله ما حسة انى فى الدنيا دي 

تسنيم : معلش يا لمار استحملي مش يمكن العريس ميعجبش خالو

لمار : لا الواضح انه شافوه وعاجبوه كمان لانه بابا واثق اووووي

تسنيم : طيب معلش اصبري واهدي كده وبأذن الله خير 

لمار : يااااارب

نوران ( من الصالة) : يلا يا بنات اجهزوا الناس وصلوا

لمار (مرتبكة) : يالهوي مش قادرة قلبي هييقف يا تسنيم 

تسنيم : اهدي يا لمار وامسكي فى ايدي بس براحة كده ويلا نخرج 

لمار : ياااااااارب استرها يارب 


ووقفت لمار وتسنيم عند باب الاوضة 


وخرجت نوران واحمد يستقبلوا الناس

والضيوف خبططت



اشرف : السلام عليكم ورحمة الله وبركاته

احمد : وعليكم السلام ورحمة الله وبركاته .. اتفضلوا اتفضلوا

اشرف : ربنا يخاليك .. ازيك يا استاذ احمد 

احمد : بخير الحمد لله اتفضلوا 


وسلموا كلهم ع بعض وقعدوا ودخلت لمار عليهم 


احمد : اقدملكم بنتي لمار 


لمار بصة فى الارض وبتبتسم ابتسامة خفيفة وسيف كمان باصص للارض راحت ريماس خبطتوه فى ايديه 


واول لما سيف رفع دماغه وشاف لمار هى كمان رفعت دمغها وبصتلوه


احمد : تعالي ع لمار سلمي ع عمك اشرف 


سلمت لمار ع اشرف وكريم وسيف من بعيد وسلمت بالايد ع ريماس وليلي



ليلي : ما شاء الله ربنا يخاليهالك .. زي القمر تعالي اقعدي جمبي

لمار ( بقيت مكسوفة اوووووي ومش عارفة تعمل ايه)

وسيف ( قاعد بصصلها ومتنح اكنووه مشفش بنات قبل كده )


نوران : انتوا نورتونا والله 

ليلي : ربنا يخاليكي منور بأصحاب البيت 

احمد : طيب يلا اتفضلوا ع السفرة 



وقاموا اتعشوا وخلصوا عشاهم 


وقعدت ليلي مع نوران 

وتسنيم اتعرف ع ريماس وقعدوا اتكلموا 

واحمد واشرف وكريم قاعدين بيرغوا 



مفضلش غير ابطال قصتنا 


سيف بص ع لمار لقاها مكسوفة وقاعدة لوحدها راح قايم وقعد ع كرسي قريب منها شوية 


سيف (بأبتسامة) : اسمك جميل اوي

لمار (مكسوفة) : ميرسي 

سيف : لا بجد انا مش بعرف اجامل 

لمار : ربنا يخاليك 

سيف : انا فى كلية طب اخر سنة وان شاء الله اول لما هخلص هشتغل فى مستشفي بابا وانتي ؟؟

لمار : انا ف تانية صيدلة 

سيف : تشرفت بمعرفتك 

لمار : انا اكتر 

سيف ( سكت وسرح مع جمالها وشكلها .. مش بقولوكوا اكنوه مشفش بنات قبل كده ) 


سيف : انا حابب نتعرف اكتر يعني .. ممكن نمرة تليفونك ولا لا ؟

لمار (سكتت لانها افتكرت عمر واضيقت) : ...................




بــــــــــــــــس كده هنقف هنا 


يا تري لمار هتعمل ايه وهترد ع سيف بأية ؟؟ 

تفتكروا هتوافق ولا لا ؟؟

وتفتكروا سيف حب لمار ؟؟ 


يارب الحلقة تكون عجبتكو وانبسطوا فيها 



انا بعمل الى بأيدي عشان اخليها قصة جميلة المرادي 

وشكرا لكل واحد ردتلي وشجعتني وقيمتلي كمان ربنا يكرمكم كلكوا



انا بس كنت حبة اقولكوا انى هاخود يوم الجمعة من كل اسبوع اجازة وليكوا عليا اعوضلكوا الحلقة الى هنزلها يوم الجمعة دي فى وسط الاسبوع بأذن الله وشكرا ليكوا


استنوني فى حلقة جديدة وجميلة مع احلي ثنااااائى 


[size=32]لمـــــار وســـــــيف



[/size][/size]

[size=32](لمـــــــــار حيـــــــاتي انا)[/size]

[size=32]الحلقة السادسة

نرجع تاني للمار وسيف


ثنأئى قصتنا


[/size][size=32][size=24]سيف : انا حابب نتعرف اكتر يعني .. ممكن نمرة تليفونك ولا لا ؟

لمار (سكتت لانها افتكرت عمر واضيقت) : طيب معنديش مشكلة اتفضل ....

سيف (بأبتسامة) : انا فرحان اوووي انى اتعرفت عليكي 

لمار (بأبتسامة خفيفة) : انا اكتر


(لمار مشاعرها متلخبطة اوي مش عارفة تعمل ايه ولا تقول ايه بس مكنتش متوقعة انها تلاقي العريس بالشياكة والحلاوة دي كلها .. ههههههه البت شكلها وقعت ولا ايه يلا نكمل بقي )


اشرف : احنا بجد مبسوطين اوي اننا اتعرفنا عليكوا

احمد : احنا اسعد والله .. بس ابقوا قرروا الزيارة 

اشرف : بأذن الله .. يلا بقي يا جماعة 

احمد : بدري 

اشرف : بدري من عمرك الوقت اتأخر الساعة بقت 12 ... يلا يا ام كريم

ليلي : يلا يا ابو كريم .. ربنا يخاليكوا احنا تعبناكوا اوي معانا اوي انهاردة 

نوران : لا ولا تعب ولا حاجة انتوا ناس زوق اوي واحنا بجد اتشرفنا بمعرفتكوا

ليلي : ربنا يخاليكي .. يلا يا ريماس 

ريماس (بتسلم ع تسنيم وبتبوسها) : خلاص احنا من انهاردة اصحاب بقي 

تسنيم : اكيد طبعا انا فرحانة انى اتعرفت عليكي

ريماس : ربنا يخاليكي .. كان نفسي اتعرف ع لمار .. بس كفاية ان اخويا اتعرف عليها 

سيف : انا سعيد بمقابلتي معاكي

لمار (بأبتسامة) : انا اسعد ربنا يخاليك 

سيف : هيبقي فيها ازعاج لو كلمتك ع الموبيل

لمار : لا عادي 

سيف : طيب هبقي اتصل اسال عليكي (بأبتسامة)

لمار : ربنا يخاليك نورتوا 



وسلموا كلهم ع بعض ونزلوا بعد لما نزلوا لمار دخلت الاوضة وقفلت عليها 


تك تك تك 


تسنيم : ممكن ادخل 

لمار : خشي


ودخلت تسنيم 


تسنيم : ايه الجميل ماله زعلان ليه 

لمار : مفيش يا تسنيم 

تسنيم : ع فكرة سيف ده عسل اووووي وانتوا فعلا لايقين ع بعض

لمار (بعياط) : تسنيم انا مخنوقة اووووي

تسنيم : ليه بس يا لمار مالك 

لمار (بعياط) : انا مش عارفة اعمل ايه والله انا تعبانة جدااااا

تسنيم : طيب اهدي 


ودخلت نوران


نوران : مالك يا لمار 

لمار : تعبانة اوي يا عمتو 

نوران : طب امسحي دموعك واهدي

لمار : حاضر يا عمتو

نوران : ع فكرة سيف محترم اوووي واهله كمان ناس محترمة جدا

تسنيم : اه يا ماما والله عاندك حق فعلا .. عيلة محترمة وبجد ريماس دي زي العسل

لمار : بس انا مش حسة بكل ده 

نوران : يا حبيبتي ما انتى فضلتي طول القاعدة ساكتة وباصة للارض ولما حد يسألك ع حاجة تردي ع قد السؤال وتسكتي وده غلط لولا ان سيف جه قعد معاكي واتكلمتوا مكنتيش اتكلمتي .. انا مش عيزاكي تتسرعي فى حاجة الناس مؤدبيين وكويسين اوي

لمار : ربنا يسهل يا عمتو ادعيلي الله يخاليكي

نوران : حاضر يا حبيبتي هدعيلك .. احنا هنبات انهاردة عندكوا اقعدي انتى وتسنيم بقي انا هخش اتكلم مع ابوكي شوية و اخش انام 

لمار : طيب يا عمتو .. تصبحي ع خير

نوران : وانتى من اهل الخير 


وخرجت نوران 


تسنيم : ع فكرة يا لمار .. انتى شكلك عجبتي سيف 

لمار : ليه بتقولي كده ؟؟

تسنيم : اصلك مكنتيش شايفة هو بيبصلك وبيكلمك ازاي 

لمار (بحزن) : طيب

تسنيم : مالك بس

لمار : لانى مكنتش حبة ان حد يبصلي ولا يكلمني بالطريقة دي غير عمر 

تسنيم : ع فكرة يا لمار انتى لو فضلتي ماشية ورى قلبك ووري عمر ده قلبك هيتعب اووووي ومش هتعرفي تعيشي بعد كده بسبب الى انتى عملاه فى نفسك ده 

لمار : طب اعمل ايه يا تسنيم انتى عارفة انا حبيت عمر ازاي 

تسنيم : عارفة عشان كده لازم تنسيه شوية بقي .. صدقيني الواد سيف ده مزز اووووي 

لمار : هههههههههههههههه اه محترم اوي ع فكرة ( واتكسفت)

تسنيم : ههههههه شكل السنارة غمزت يا ليمو 

لمار : بس يابت اسكتي السنارة مغمزتش

تسنيم : ههههههههههههههه طيب ابقي قولي تيتو قالت 

لمار : طيب (بكسوف) .. يلا انا هنام بقي عشان بكرة ..

وقاطعتها تسنيم 

تسنيم : ايه يابت بكرة اجاااااااااازة يعني المفروض نقعد نرغي للصبح 

لمار : لا يا شيخة بكرة اجازة 

تسنيم : اهااااا .. يلا خشي غيري هدومك وانتى زى القمر كده عشان نقعد نرغي وننم ع الواد سيف 

لمار : هههههههههههههههه ماشي يا تيتو



ودخلت لمار غيرت هدومها وقعدت مع تسنيم يرغوا هما الاتنين وبعدين ناموا





نروح لسيف وعيلتوه بعد لما روحوا البيت 



ريماس : هههههههههههههههههه والله البت تسنيم دي مسخرة بجد طول القاعدة فطستني من الضحك 

ليلي : هههههههههههههه عاندك حق والله .. ومامتها زي العسل 

سيف : لا بجد هما ناس محترمين اوي

ريماس : ايه ده ايه ده شوفتي يا ماما سوفة غير رأيوه

سيف : انا كنت غلطان لما اضيقت انى اروح معاكوا .. لمار زي القمر

ليلي : الله اكبر الله اكبر ما شاء الله عليك بجد يا زين ما اخترت ياحبيبي

ريماس : عاندك حق والله يا سوفة .. البنوتة تتحب بس فضلت قاعدة ساكتة 

سيف : اكيد يعني مكسوفة 

ريماس (بيغمز) : ايووووووة بقي يا سوفة ده ايه العسل والجمال ده 

كريم : لا ما شاء الله بجد العيلة محترمة وشكلهم بسيط وملهومش فى التكبر

ليلي : الحمد لله ربنا هيعوضني فى سيف حبيبي

ريماس : قصدك ايه يا ماما ربنا معضوكيش فيا ولا ايه 

ليلي : لا يا حبي هو اانا اقدر اقول غير كده 

كريم : الكلام مش ليكي يا ريماس الكلام ليا انا 

ليلي : كويس ان كل واحد عارف نفسه 

ريماس : ما تصلوا ع النبي بقي يا جماعة خلاص

ليلي \ كريم \ سيف : عليه افضل الصلاه والسلام 

ريماس : خلاص بقي يا ماما .. ده انهاردة فرح ان سوفة حبيبي واخويا وشقيقي حب وقلبه دق ورقصني يا جدع هههههههههههههههههههههههههههههههه

سيف : هههههههههههههههه يخربيت هبلك يا ريمو 

ليلي : هههههههههههههههه ربنا يخاليكوا لبعض ويفرحني بيكوا كلكوا 

كريم : ثواني ارد ع الموبيل 

كلهم : طيب



تعالوا نروح لمكالمة كريم 


كريم : الوو 

سمر : كريم انت فين 

كريم : عايزة ايه يا سمر

سمر : اتأخرت ليه انا وولادك بقالنا كتير مستنينك 

كريم : سمر انا فى بيت بابا عايزة ايه 

سمر : طب هتتأخر 

كريم (بزعيق وصوت عالي) : سمر خلاص بقي عايزة ايه 

سمر : انت بتعالي صوتك عليا ليه متعليش صوتك عليا انت فاهم 

كريم (بصوت عالي) : انا اعلي صوتي براحتي 

سمر : طيب يا كريم بات بقي عند اهلك ( وراحت قافلة فى وشه)

كريم (بصوت عالي) : الله ياخدك يا بعيدة لازم تحرقي فى دم اهلي كل يوم منك لله 



ليلي وسيف وريماس سمعوا صوت كريم عالي فا راحوا يشوفوا فى ايه


ليلي : كريم مالك يا حبيبي فى ايه 

سيف : فى ايه يا كريم 

كريم : مفيش حاجة بس خلاص تعبت واتخنقت 

ليلي : عشان انا قلتلك بلاش ..

ريماس (مسكت ايد مامتها) : ماما خلاص مش وقته .. سيف خود كريم واتكلم معاه فى اوضتك وانا هكلم مصطفي واقوله انى هاجي الصبح .. تعالي يا ماما معايا 

ليلي : فى ايه يا ريماس

ريماس : تعالي بس عيزاكي يا ماما سبيهم يتكلموا هما 

ليلي : طيب اتفضلي


اخدت ريماس مامتها وراحوا قعدوا فى الصالة 

وسيف اخد كريم ودخلوا اوضة سيف


سيف : اهدي يا كريم فى ايه 

كريم : انا اتخنقت يا سيف والله اتخنقت 

سيف : طيب مالك بس ايه الى حصل .. انت كنت بتكلم سمر

كريم : ايوة كنت بكلمها ويارتني ما رديت 

سيف : ليه ايه الى حصل

كريم : معرفش يا سيف والله بس زهقت .. اول لما رديت قعدت تقولي انت فين وهتتأخر ولا لا

سيف : طب ومالك بس اضيقت ليه .. دي مراتك ومن حقها تسأل عادي

كريم : مش بالشكل ده وفى الاخر تقولي خاليك عند اهلك ومتجيش احسن 

سيف : لالالالا بجد غلطت المرادي .. لكن من حقها انها تعرف انت فين 

كريم : انت مش حاسس بيا يا سيف والله 

سيف : لا حاسس بيك .. بس انت كبرت الموضوع ع الفاضي .. عشان انت عمال تشيل جواك من نحيتها وخلاص

كريم : يا سيف .. سمر ما بتصدق تلاقي اى فرصة وتتخانق وبتغير عليا بشكل غير طبيعي ولازم تستفسر فى كل وقت انا فين وبههبب ايه واانا اتخنقت 

سيف : طيب اهدي بس وكله بأذن ربك هيتحل .. وبعدين ياكريم الغيرة يعني حب يعني هي بتحبك وبتحبك بجنون كمان 

كريم : الحب عمره ما كان بالشكل ده يا سيف .. بكرة لما تتجوز هتعرف

سيف : من غير ما اجرب يا كريم الدنيا حواليا اهيه وناس كتير زيك بس انت فى حاجة تعباك اساسا واظاهر ان فى حد بيلعبلك فى دماغك

كريم : لا والله يا سيف .. بس اظاهر فعلا انى بدأت اتعب واتخنق

سيف : انت كلام الناس بدأ يظهر عليك وبذات كلام ماما 

كريم : اهو كلام ماما ده اكتر حاجة بتوجعني بجد يا سيف انت متعرفش بيحرقني ازاي .. اكن مفيش غير شاهندا وبس الى كان المفروض اتجوزها

سيف : معلش انت عارف ماما هى اه مش بتحب سمر بس مش هتقدر تقف فى جوازك يعني وبعدين انت بقي عندك عيال دلوقتي ومبقاش فى مجال انكوا تسيبوا بعض

كريم : ع قد ما انا بحب سمر يا سيف ع قد ما ساعات بحس انى كرهت اليوم الى اتجوزتها فيه من كتر الكلام الى سمعتوه وبسمعه 

سيف : معلش .. قولي بقي رأيك فى لمار 

كريم : ههههههههههههه زي القمر والله .. يارب تكونوا لبعض يا سيف

سيف : عارف يا كريم انا اول مرة اشوف حد بالجمال ده صدقني 

كريم : هى فعلا جميلة ما شاء الله 

سيف : بس مش عارفة من ساعة ما شوفتها وانا حاسس فعلا انى متلخبط ومش عارف اعمل ايه ولا لما قعدت جمبها معرفتش جاتلي الجرأة اعمل كده ازاي معأني مكنتش حابب اسااسا انى اروح انهاردة بس بحمد ربنا انى شوفتها 

كريم : ربنا يسعدك .. لو فعلا كانت من نصيبك لازم تحافظ عليها يا سيف

سيف : ان شاء الله يا كريم بس انت متضيقش نفسك وتهدي وان شاء الله كل الامور هتبقي تمام 

كريم : يااااارب

سيف : يلا بقي يا عم قوم غير هدومك وبكرة تروح تشتري بوكية ورد وتروح بيه ع بيتك 

كريم : ربنا يسهل

سيف : انت عارف انا نفسي اتصل بسمر دلوقتي عشان اشكرها انها قالتلك متروحش البيت 

كريم : هههههههه ليه يعني 

سيف : عشان تقعد معايا وبعدين هتلاقي الست ريماس هتيجي بعد شوية ما هى اول لما انت قلت انك مش مروح مصدقت وقالت تتصل بمصطفي عشان متروحش هى كمان انت عارفها ما بتصدق تقعد تنم معايا انا وانت 

كريم : ههههههههههههههه ربنا يخالينا لبعض يا سيف 

سيف : يارب .. يلا يا كيمو قوم بيجماتك كلها فى الدولاب مشحتهاش لسه 

كريم : ههههههههههههههههههههههههههه طيب ياخويا تببقي توريني هتشحتها ازاي عشان اشحتك معاها 

سيف : هههههههههههههه الله يخاليك مش عارف اودي زوقك وجمايلك عليا فين 

كريم : متودهاش خاليك فاكرها بس

سيف : من عنيا الجوز 


وقام كريم غير هدومه وقعد يرغي هو وسيف ووهما ع السرير وبعدين ناموا 




تاني يوم صحيت لمار ع تليفونها 


لمار (بصوت نايم) : الوو مين معايا 

خالد : لمار انا خالد ازيك 

لمار (مفزوعة) : خالد !! .. انا الحمد لله بخير انت عامل ايه 

خالد : الحمد لله .. انا اسف انى بقالي اسبوع متصلتش بيكي بس معلش كان عاندي ظروف بمر بيها 

لمار : لا عادي ولا يهمك فى حاجة ولا ايه 

خالد : ينفع اشوفك انهاردة ولا مينفعش 

لمار : اكيد طبعا .. تحب نتقابل فين 

خالد : فى الكافيتريا الى جمب الجامعة لو ينفع 

لمار : خلاص انا ساعة بالظبط وهكون عاندك

خالد : ماشي يا لمار مستنيكي 

لمار : اوكي سلام 


وقفلت لمار .. وقامت جري لبست هدومها ونزلت ووصلت فى معادها 


لمار (بتنهج) : ازيك يا خالد 

خالد : الحمد لله يا لمار .. مالك فى ايه بتنهجي كده ليه

لمار : مفيش اصلي اول لما انت كلمتني كنت نايمة وقومت جري لبست ونزلت علطول

خالد : ههههههه طيب اتفضلي اقعدي

لمار : شكرا ربنا يخاليك .. فى ايه بقي 

خالد : انا قبلت عمر 

لمار (بلهفة) : بجد بجد .. طب قولي قالك ايه وهيجي امتي عشان يتقدملي

خالد : لمار ؟؟ .. عمر ما هيجي يتقدملك 

لمار (بحزن) : ليه وازاي 

خالد : انا روحت لعمر واتكلمت معاه وهو قالي انه مبقاش عايزك وانه مبقاش عايز يشوفك تاني وبعتلك جواب قالي ادهولك 

لمار : جواب ايه ؟؟

خالد (مد ايديه بالجواب) : اتفضلي .. صدقيني يا لمار انا عملت كل الى عليا وكلمته وقولتله بس صدقيني هو قالي الكلام ده واداني الجواب وبس 

لمار (بأبتسامة خفيفة) : شكرا يا خالد وبعدين انا عارفة انك عملت الى عليك ربنا يخاليك عن اذنك 

خالد : لمار انتى كويسة 

لمار : متقلقش انا بخير الحمد لله عن اذنك 

خالد : اتفضلي 


ومشيت لمار وهى جواها حاجة بتتقطع وانها مش عايشة 


خالد اول لما لمار مشيت فتح موبيله وكتب رسالة وبعتها لعبير 


" عبير انا اسف جدااا ياريت متزعليش مني .. انا فعلا مأخدتش بالي انك بتحبيني غير لما قولتيلي لانى فعلا كنت موهوم بلمار وبس انا عايز اشوفك واتكلم معاكي ضروري فى كلام مهم عايز اقولولك ياريت اول لما تشوفي رسالتي تكالميني ضروري "





كريم صحي بدري قبل اى حد منهم

قام استحمي ولبس هدومه وقال لازم ينزل يجيب لمراته حبيبته بوكية ورد وهدية صغيرة ويروح يصالحها 


وهو نازل 


كريم : شاهندا 


شاهندا : بنت زي االقمر هي دلوعة شوية بس محترمة جدااا ومحجبة .. هى ساكنة فى نقس عمارة اهل كريم 


شاهندا : ايه ده كريم .. ازيك 

كريم : الحمد لله بخير وانتي 

شاهندا : الحمد لله كويسة لما شوفتك 

كريم : ايه رايحة فين 

شاهندا : مفيش رايحة المهندسين عشان عاندي درس

كريم : درس ؟؟

شاهندا : ههههه مش انا الى باخود الدرس .. لا انا الى بدي الدرس .. بدى دروس دينية لناس فى المهندسين وفى كزى مكان يعني 

كريم : اها .. طب معاكي عربية 

شاهندا : لا هركب تاكسي

كريم : طيب تسمحيلي ااوصلك انا ساكن فى المهندسين برضوا

شاهندا : ايوة بس انا كده مش هتعبك 

كريم : مفيش تعب ولا حاجة متقلقيش 

شاهندا : طيب .. اصلي اول مرة اروح هناك انهاردة اول درس للي ريحهالهم فى المهندسين 

كريم : طيب تعالي نكمل كلمنا فى العربية اتفضلي 

شاهندا : شكرا 


وركبت شاهندا مع كريم فى عربيته


كريم : عاملة ايه فى حياتك .. انا بقالي كتير اوي مشوفتكيش 

شاهندا : الحمد لله بخير .. اهاااا معلش اصلي كنت مسافرة بقالي فترة كبيرة ولسه راجعة مبقاليش كام يوم 

كريم : اها طب تمام نورتي والله

شاهندا : منورة بأهلها .. وانت عامل ايه واخبار شغلك ومراتك 

كريم : الحمد لله كلهم كويسين 

شاهندا : بقي عاندك ايه دلوقتي

كريم : عاندي مريم وملك 

شاهندا : ربنا يخاليهوملك ان شاء الله 

كريم : ان شاء الله عقبالك .. اومال فين دبلتك 

شاهندا : للاسف سبت خطيبي من فترة 

كريم : ليه كده خير 

شاهندا : مفيش عادي محبناش بعض وفيه صفات كتير اوي معجبتنيش 

كريم : ربنا يرزقك بواحد كويس

شاهندا : ربنا يخاليك .. ممكن تركن هنا ع جمب عشان البيت قريب من هنا 

كريم : انا كمان بيتي قريب من هنا .. اوصلك فى البيت الى انتى عيزاه 

شاهندا : لالا ربنا يخاليك روح شوف انت مصالحك وبعدين لسه هتصل بأصحاب البيت 

كريم : طيب .. اتمني اشوفك 

شاهندا : ان شاء الله وشكرا ع التوصيلة مش عارفة اشكرك ازاي

كريم : ربنا يخاليكي مع السلامة 

شاهندا : سلام


ونزلت شاهندا من العربية واتصلت بأصحاب البيت وطلعتلهم 

وكريم راح جاب بوكية ورد شيك اوووووي وساعة جميلة هدية لسمر 


طلع كريم البيت ورن الجرس 

وفتحتلوه سمر 


كريم (بأبتسامة) : سمر حبيبتي 

سمر (بصتله بصة شرانية) : بس بس اسكت وطي صوتك فى عندنا ضيفة 

كريم : ضيفة ؟؟

سمر : ايوة ضيفة .. تعالي لما اعرفك عليها 

كريم : طيب



ودخل كريم مع سمر 

ومن اول ما دخل وهو حاسس بحاجة غريبة 


سمر : احب اعرفك ع ابو البنات 


قامت البنت من مكانها عشان تسلم عليه

بصت لقيتوه كريم 



شاهندا : كريم ؟؟

كريم : شاهندا 

سمر (بصت للاتنين وبعدين رجعت بصت لكريم اوي وعنيها كلها شرارة)

سمر (بصة لكريم) : ايه ده انتوا تعرفوا بعض

شاهندا : اه 

كريم : لا 

سمر : اه ولا لا لا

كريم : اه شاهندا تبقي جارتنا فى العمارة 

سمر : اااااااه جارتكوا .. طيب عن اذنكوا 


ودخلت سمر ع الاوضة 


كريم : انا اسف يا شاهندا ... اتفضلي انتى كملي مع البنات عقبال لما اشوف سمر عن اذنك 

شاهندا : اتفضل


ودخل كريم جوه لسمر فى الاوضة 


ولما دخل لاقاها رايحة جاية ومتعصبة ع الاخر 


كريم راح حاطط ايديه عليها وحاضنها 


كريم : عارفة جبتلك معايا ايه ؟

سمر (متعصبة) : مش حبة اعرف .. انت ليه مقولتليش ان شاهندا تبقي جارتكوا 

كريم : عادي يا سمر فى ايه مجتش مناسبة 

سمر : لا والله مجتش مناسبة فعلا .. انا من اليوم الى انت طلبت فيه ايديا وااانا قلتلك قولي ع كل حاجة فى حياتك 

كريم : انتى بتهزري صح .. انا بقالي كتير جدا مشوفتهاش ااساسا وبعدين مجتش فرصة اني احكيلك عنها 

سمر : لا جت يا حبيبي يا ابو ولادي ... اكيد هي دي الى مامتك كانت بتقول عليها .. الى كانت بتحبك وانت بتحبها بس سبتوا بعض عشان جالها عريس 

كريم (بصوت عالي) : اانا مش عارف انتي بتجيبي التخاريف دي منين .. وبعدين انا اخترتك انتى ما بين كل البنات الى كانوا حوليا وانتى عارفة كده كويس يا سمر

سمر : ههههههه تتصور ضحكتني .. اه والله ضحكتني فعلا .. امشي يا كريم مش عايزة اشوفك 

كريم (بعصبية وصوت عالي) : انا مش عارف ليه كل لما بحاول اصالحك بحاجة لازم تطلعيلي بحاجة جديدة عشان تخنقيني وتخنقي نفسك وتزهقيني حرام عليكي بقي انا زهقت من الغيرة الفاضية دي مش عارف انتى فى ايه .. انتى المفروض تحمدي ربنا انى اخترتك انتى ما بين كل البنات .. بدل ما انتى قاعدة كل لما يحصل حاجة تطلعي مليوووون حاجة عشان تعملي خناقة معايا ... اقعدي مع نفسك كده وشوفي انتى اتخنقتي معايا كام مرة من ساعة ما اتجوزنا متهيالي ان مفيش يوم عدي علينا من غير خناق .. حتي يوم الفرح عملتي خناقة وافتكرتي ان فى حاجة بيني وبين الرقاصة .. بذمتك انتى مش مكسوفة من نفسك وانتى بتتخانقي معايا يوميها ع الرقاصة وبتتهميني انى اعرفها .. لو فى حد مكانك مكنش عمل ده كله ولو فى حد فى مكاني كان زمانه طلقك يوم فرحك .. انا الحمد لله انى مستحملك لحد انهاردة وعشان بناتنا مش اكتر 


وراح سايبها وخرج من الاوضة وهو متعصب ونزل ركب عربيته ومشي 





نروح للمار بعد لما سابت خالد رجعت ع البيت وقفلت باب اوضتها عليها من غير ما تكلم تسنيم او عمتها او اى حد 


واول لما دخلت وقعدت ع سريرها فتحت الجواب 


" لمار .. انا عارف ان الكلام ده ممكن يجرحك بس انا مش عارف اقولك ايه .. انا اه حبيتك بس صدقيني مينفعش اتجوزك مينفعش نهائي .. انا سافرت ع الكويت عشان اعيش مع ابويا هناك واكمل حياتي .. متزعليش مني بس كان لازم ابعد عنك لانك طلبتي مني حاجة صعبة جدا وانا مكنش ينفع اتجوزك " 


لمار بعد لما قريت الجواب قعدت تعيط جاااامد وكانت منهارة ومكنتش قادرة تسنيم قعدت تخبط ع الباب عشان لمار تفتح بس مفيش فايدة راحت تسنيم ندهت ع ماماتها وخالها وكسروا الباب


واول لما دخلوا لقوووا لمار واقعة ع الارض وفى ايديها الجواب 


احمد (بخوف) : لمار لمار بنتي فوقي مالك ايه الى حصلك ... نوران اتصلي بالاسعاف علطول لازم ناخودها ع المستشفي

لمار (بصوت واطي) : عمر عمر 

احمد : لمار قومي يا لمار مالك يابنتي 

نوران : طيب طيب 


وراحت نوران اتصلت بالاسعاف علطول 


وتسنيم اخدت الجواب من ايد لمار بسرعة عشان خالها ميشوفوش



وجت الاسعااااف 


ووووووووووووووووو



[size=32]هنقف هنا 


يا تري ايه الى هيحصل للمار ؟؟

وكريم هيعمل ايه مع سمر ؟؟؟


يارب تكون الحلقة عجبتكوا[/size][/size][/size]

اقتباس :

لمار : الله يسلمك