IMaD MaX مؤسس المنتدى  معلومات اضافية
 أﻧَــــاٌ :   آلَمـَشٌآرَﻛَــــــآتْ : 8885  اّلّـــــدّوّلّـــــــــةّ : المغرب .gif) اٍّلَّــــوّظُيٌّفّْــــــةْ : طالب  آلِّمِّـــزٍّآجِّ : الحمد لله على كل حال  آلْعْــــــــمْــــــرْ : 25  نْقْآطْ آلْتْقْيْيْــــمْ : 12  تاريخ التسجيل : 23/01/2013  نقاطي : 23733  |  موضوع: فضفضه مهذبة همسه رقيقه حتى لا تندمو  الخميس 30 يوليو - 12:59 | |
|
بتحكي صاحبتنا وبتقول ....
هحكيلكوا على سر من اسراري
بابا الله يرحمه مكانش مريض ولا اي حاجه ، وكان معتكف فى ليلة 23 رمضان ، وصلى الفجر جماعة الحمد لله وبعدين فجأة مبقاش عارف يتنفس
رحت انا وهو المستشفى .. دخلت وانا ماسكة في إيديه وبكلمه وبقوله إنت كويس ؟؟؟
كان بيتشاهد ويستغفر ، وقالى الحمد لله بس انا دايخ شوية
وبعد تفاصيل كتير في اقل من ربع ساعه، بعد ما كشف عليه الدكتور وقالى الحاله كويسه تاخد الدوا ده وتخرج معاكى لقيت فجأة الوضع اتغير 180 درجة ... في لحظة قالولى " البقـــــــــاء لله " إنا لله وإنا إليه راجعون ..
وخرجت من المستشفى وانا ايدي لوحدها فاضيه ملقتش حد امسك ايديه ، بابا فى عربيه نايم على صدر صديق عمره اللى كان معانا وانا لوحدي مش عارفه اعمل ايه ... هو بابا خلاص كده ... مش هيمسك ايدي تانى ؟؟؟
الموت فاجئني ... صحيح مسبتش بابا غير عشان اجيب الدكتور " لحظات " ، وصحيح وصانى على امى واخواتى بما إني #الكبيرة في البيت بعد جواز أختى ، وصحيح كان حاسس بوجودى جنبه وخوفى عليه ... بس انا فى حاجات كتير مقولتهاش !!!
لو كنت اعرف انه هيموت ويسيبني وميسمعنيش تانى كنت قولتله كلام كتير ، كنت حضنته حضن أخير وبوست ايديه ورجليه وقولتله انا بحبك أوي يا بابا ، متسبنيـــــــــــش
كنت مش هسكت ابدآآآ ، كنت هفضل اتكلم كتييير ، كنت هتأسفله عن كل لحظه ضايقته فيها وأطلب منه يسامحنى عليها ، وهفكره بكل لحظة حلوة عشناها مع بعض .. كنت هحكيله قد ايه كنت ببقى مبسوطه وانا ماشية فى الشارع ماسكه فى ايديه و قد ايه كان فى حاجات كتير كان نفسي اعملها معاه بس ملحقتش
الموت فاجئنـــــي ... خلاني اندم على كل لحظة فاتت فى عشرتى مع بابا ومقولتلوش فيها انى بحبه ولا قد ايه انا محتاجاه ولا قد ايه هو حاجة مهمة فى حياتي ولا قد ايه هو اكتر واحد فى الدنيا يستاهل حبي لانه اكتر واحد فى الدنيا بيخاف عليا ...
خايفة الموت يفاجئني تانى وياخد منى حد من اهلى او صحابى قبل ما اقولهم على اللى جوايا نحيتهم وقد ايه انا بحبهم ... خايفة أوى وعشان كده بقيت احاول على قد ما اقدر اقول كل اللى حساه على طول ، جايز يجي وقت مقدرش اقول فيه حاجه أو بمعنى اصح أقول واللى بقوله ميسمعنيش ..
وفي آخر حكايتها بتقول ...
خلوا بالكوا ... إوعوا الموت يفاجئكوا .. قولوا ، إتكلموا ، عبروا عن مشاعركوا ، إعتذروا ، برروا ، اعملوا كل اللى تقدروا عليه عشان تسعدوا اللى حواليكوا وتوصلولهم مشاعركوا قبل الوقت ما يسرقكوا ..
|
|
الإثنين 7 مارس - 1:50
