من سوالف عصير دجاج (( فضايح اول )) تعالوا اشبعوا ضحك

السلام عليكم ورحمه الله وبركاته
كيف الحال يا حلوييييييييييين ؟؟؟

انشالله بالف خير ونعمه يا رب ..

كالعاده الواحد لازم يصمخله فنجال قهوه لتنزيل مثل المواضيع ..

والله ما قصر اخوي فهاد ضبطلنا اطلق فنجال ولاهي غريبه عليه ..

والحين اشوف سووووووويلم (الريس تبعنا ) عويناته يبرقن يدري وراي بلا
بس ما يقدر يصيدني ان قالها الله

خلونا نشطح شوي عن الموضوع

اليوم مداوم بدلتن يحبها قلبكم كشخخخخخخخه لابعد حد

ويا شين السرج على البقر يا حظي >>>>> صارن نفسي بهالجينز احس عمري بزنزانه
عواذذذذذذذذذذذذذذذذذذذذذذذذذا

تسيف يالربع جالسن انا وابو سعود <<<< طبعا هذا كلمه اللحسه تستحي منه
المهم من جيت الصبح وهو انواع الحط علي وعلى لبستي الجديده

والله يالربع كنت واثق من نفسي لكن قدام هالرجل الشخصيه ماش تنعدم الله يرج ابليسه بس
ماعلينا من هالكلام كله

افطرت وبعد ما خلصت ..
قمت ابغى دوره المياه الله يعزكم ..

واثري ابو سعود لحقني يبي الحمام مثلي

والله وقبل لا ادخل الحمام الهنيدي ملعووووون ابو القرندح (كلمه فارسيه تعني بوس الواوا ههههههههههه )
مغسلن الحمامات وللحين ماهو منشفهن

وانا جاي مطبح ابو الليد
واسويلكم احلا !!!!!!!!!!!!! دبل كيك !!!!!!!! هههههههههههههه

اي بالله انا عاد علمي بالدنيا هكا اللحظه ولاادري وش صار عقبها

اثري ابو سعود ساحبني وراشن علي ماء وما صحيت الا بمكتب وزير الدفاع الامريكي <<<< اوما عاد شطحه

المهم انه رزلني وانواع الضحك وانا مالي وجهه مخليه على كيفه وللحين وانا قاعد اكتب الموضوع يحط ويقط بعض الكلمات
الله يرجه بس <<<<< من النوع اللي لا مسك شي مسكه

يدري انها تبي تجي على راسه بعدين ويبي يشبع ضحك من الحين السرسري (اوما ذي كلمه مصريه تعني تبي دروس خصوصيه ههههههههه مع خلو مافيش نخاع شوكي )
اي بالله والله وحنا نغزي وهم يقومون يرغتونا رغت الله يجيرك ..

تدرون يالربع ان مو هذا موضوعنا انا داخل ابغى اكتب شينا بالي لكن من الحره على ابو سعود ابغى انقلها لكم ..
ماعلينا من ابو سعود الحين ..

اليوم جاي وجايب لكم فضيحه على كيف كيفكم
اوما ياهي سالفه ..

عزالله انها ما تنسولف يالربع ..

طبعا ودي اخرط لكم بعض سوالف الحاره اول ..
ولو ان فيها فضايح لي ولبعض ناس هنا بس يالله ما علينا منهم
اهم شيء سعت صدوركم والله انها ملح المنتدى

ويدرون اللي في بالي الحين
هذا الله يطول بعماركم قووووووووووولوا امين بس ..
سالفتن جرت بحارتنا اول يوم كنت وغيد ارغت الصخوووووول

بحارت الحسني بحفرالبراطم <<<<< يا ويلي عليها بس فديتها وفديت اهلها بس
اي بالله .. صب فنجال يابو ركبه <<<<< متخيلن عمري بصدر المجلس

المهم ..


وكنا ايام المراهقه نموت بشي اسمه هوشه
ماخذين الدعوه رجوووووووووله وعنتريه


واليوم غازينن على الحاره الفلانيه

وباتسر الحاره العلانيه طابتن علينا فجأه

وعلى هالموال وغدانن ما ندري وين هي تنبح

وحنا نجتمع يا اعضاء جيش حارتنا

واتفقنا اننا نغزي حارتن قريبه لنا

اغلب عيالهم اصغر مننا

طبعاً علشان نكمخهم ونمشيهم على السراط المستقيم بكل يسر وسهوله <<<< ندور الهين

يوم جاء حول الساعه 8 عقب العشاء وقت هالسفره الله يجيرك وهي تركبنا جنيت جديده عرعر اللي يذكرونها وحنا نجتمع

بهكا اللحظه كنت لابسن شورت وفانيله علاقي حقت لاعبين السله
عووووووووووووواذا اثري من زمان واللبس ماهو راكبن على جسمي اجل مع ابو سعود حق ..
نرجع لان الشطحه ابدن ولامه هههههه ..


وكانوا عيال الحاره يسموني عصير دجاج الفشقه ونوبن يسموني (السلقه) من سرعتي الخارقه

وانا جت الدعوه لخوالي يحبون يسموني (فرقس) لانهم يحسون اني افرقس الارض تفرقس <<<<< اهييييييييييييب يا وجهي ..
نرجع احسن ..

قالوا العيال يالله يا عصير الدجاج رح حدهم علينا ونبي نوريك فيهم
تخبرون ماقالوا هالكلام الا هم دارين اني سلقه ولامن اللي يحلقني بهكا الوقت الا الخميني ( هذا واحد اكثر تصوير لجسم الانسان من الهيكل العظمي )

قلت حصل هالحين احدهم لكم

واروح انا وواحدن من الزقرت اللي الله يستر عليه واللي بهديه هالسالفه وبرسلها على ايميله بعد منتهي منها
فديت خشمه بس اللي تقل ملقاط جمر بالساري
نرجع >>>>>>> يا وال انتا وش كثر شطحاتك يا تحتسي مثل هالبشر والا لا تقرضهن عندي بهالسهله

يوم دخلنا حارتهم

ليمار المنظر اللي ما يسر العين
عوذااااااااااااااااااااااااااااااا & عوذاااااااااااااااااااااااااااا

اثريهم دارينن اننا نبي نغزيهم

ومعلمينن اخوانهم الكبار

ومجتمعين بعدتهم وعتادهم ابدن جاهزين ( عجاري _ مقاليع _ رضم _ نبيطات _ عقل _ ابدن اللي تبيه موجود انت اطلب بس بوشو تبينا نسوي مساج لهالجسم اللي ما يخبر)

والله وهم يهجمون علينا الله يجيركم

قال خويي الراي يا عصير الدجاج >> هاقين بي المقرود

بعري يا بعري <<<<<<<<< هنا تطلق كلمه بعري بدون اي تردد

قلت الراي اطلق ساقيك للريح وعطهم بياض رجليك يالماخوذ

وحنا نمسك نعولنا ونعض ثيابنا <<< ركزلي على هالصوره .. ويم خويانا

خبول ما عرفوا كرعاني ولا عرفوا شوشتي اهييييييييييب يا وجييههم امحق خوه هكا الخوه
وهم يقومون يتسحفونا بهالمقاليع والرضم عن يمينك ويسارك

عزالله اللي صار معانا ما يصير الا بالرسوم المتحركه
تقل ماخذين كورس بفلسطين قبل هالهوشه

واعطيهم مجنب وادوووس والله
بعض الشله اللي تلحقنا ركضوا وراي وبعضهم هجم على خوياي
على اللي حنا اصلا ناصينهم

وبما اني هاقين بروحي ما انطرح وانا اخلي حارتي على حجاجي الايمن وادعس ما تدعس !!!
العافيه يالعافيه .... وينتس يالعافيه

الزبده ... الخبييييييييييييييل ولد ثنيه قايد الجيش بعري ..
قام يعجن بالجيش ويخبصه خبص >>>> ما اقول الا مالت علينا اللي هذا قايدنا بس
نص الجيش على اللي حنا نبيهم


وهجم بباقي الجيش علي انا يحسبني منهم للحين
طيب يا ثور انا لحالي هالحين ارسلي ثلاثه بس اذا انت متوهم فيني

تبيه فكر كذا لا .. عجنهن وهن لا خمنه العجن يهون والله

ومن القرد <<<< مسوي سبووووووق يعنني عيال عايد النعلين وانا اصير بوسط سهله لا حولي ولا حواليي

مافطنت الا راع الشاص يوم جاني موحف وله فحيح <<< اظنه من اخوانهم الكبار

وانا اقوم اروغ تقل سلوقي
ابدن سلووووووووووووقي خالص ههههههههههههههههه الله يرجني بس

وهم يقومون يدزلبووووني يمين ويسار
تقل تقلبلك شوووووووووووواه

وعندك عندك

وعندك عندك

ليما انهد حيلي ماهي لحيه لياقه .. يا رجل ابعر بالشجاعه

وانا استسلم للامر الواقع والله


وانا اقعد بوسط السهله واقوم ابتسي <<<< تبيهم رحموني لا وقالوا وغيد حرام

الله يجيركم ما سألوا عن امن جابتني

يصفقني اولهم بنعله ( عزكم الله ) بالوجه والله وهو

احس خشمي صار بهامتي من قو الصفقه

وانا اسوي روحي منصفر

وهم يتكومون علي <<< طاحولهم بفريسه

حتى مواطيي عليهن ثلاثه يهمزونهن

وفخوذي عليهن اثنين يعضونهن

وبطني واحد حسبي الله عليه يبقسه <<<< للحين بطني معفط منه الله يشيله

عاد الواجهيه

عشرين الف ابو واحد عليه تقل فريق طبي يسوون لي عملية تجميل

وفيه واحد ماسكن شوشتي يجرها كل قوته

شلع طرف مخي معها الخبل

وانا بوسط هالمعمعه لفت نظري واحد عاضن كتفي
عاد واحدن منهم لفت نظري عاضن كتفي دبل تسبدي .. هالحين هالعالم كلن قاضب له مكان حساس الا انت ياحمار
يا تعظ مثل الناس والا لا تعظ ياخي

عط فرصه لغيرك <<<<<<<<< هههههههههههههههه قراده

ولا خلوني الا عقب ما شوهوا جثت الضحيه ياااااويلهم من ربي

وهم يقومون ويمشون <<<< وش عقبه

وانا انقلب على جنبي تقل ودي اخذ لي غطه

يوم صحصحت شوين ليمار والله ماحولي الوالي

وانا اقوم قومتن احس كل عظم وغضروف في جسمي له طقه

ويالله اوصل البيت

عاد اخواني معي بهالهوشه ومن الخرعه ممنخرع حتى من اخواني الله يستر وين ذلفوا هضولاء
اي بالله!!!!
ودق الباب

وهو يطلع لي ابووووووووووووووي

قلت يبه انا عصير الدجاج ممكن ادخل

وهو يطالعلي زين

قال وشبلا وجهك تقل مصفوقن بشوزل !!!!

طبعاً ماعندي له اجابه مقنعه

وش اقول؟؟؟

اقول اني تلقفت وصارلي كذاااااااا!!!

والا اقول تهاوشت مع واحد كبير

بس الواحد ما يسوي كل هالامووووور

طيب اقول اني متهاوشن مع بس

بس باقي جسمي منهو اللي معجنه

والبس مهو مشلعن اظافر رجليني

الوكاد وانا ابتسي واخم ابوي في منظر اذهل عشاق الكره <<<< شطحت خبل بقووووووووه

تبون ابوي لان قلبه وبادلني الخمه بحنان
وهو يرفسني هكا الرفسه ليمار انا منبطح بالشارع الله يجيركم
قلت ليه يبه كذا وانا احسبك احن البشر واعطيه نظره بقهررررر

قال اقول الفقها بس لا اجي اطبع الرصيف على صابرك <<<<< ههههههههههه الله يرج ابليسك امحق ابوووو

قلت ابشر طال عمرك


ويالله يرحمني واتسفت بالبيت

وياااااااااعلها ما عادت
عوذااااااااااااااااااااااااااااااااااااااااااا ....
وتمت وسلمت ..
وهاذي لعيون اللي طلبها .. ربي ما يحرمني منه انشالله ..

تقبلوا فائق احترامي وتقديري .. تحيتي ..

عصير دجاج !!